Mensahe ni Mayor Neil Lizares sa Pagsauolog sang Andres Bonifacio Day
November 30, 2022
Subong nga adlaw, Noviembre 30, aton ginasaulog indi lamang ang kaadlawan kundi labi sa tanan ang pagkabaganihan sang ginakilala naton nga 'Supremo', ang maisog nga lider sang KKK, Ka Andres Bonifacio.
Sa sini nga adlaw aton pasidunggan kag kilalahon ang iya nga kontribusyon sa aton kahilwayan. Ang iya pagpakig away kontra sa mga mamimigos ang isa sa mga nangin rason kag paagi agud aton maaguman ang kahilwayan batok sa mga manugpigos.
Sa sini nga selebrasyon aton man dumdumon nga kasubong ni Andres Bonifacio, kinahanglan naton nga magpakabakod kag mangin mabakod sa pag atubang sang mga pagtilaw nga aton maatubang, kinanglan naton mahibaluan nga magtindog kag makigbato para sa aton kinamatarong, kinahanglan naton nga mangin determinado sa paglab ot sang aton mga handum, para sa aton kaugalingon kag sa aton mga pamilya.
Kasubong ni Andres Bonifacio aton erespeto kag palanggaun ang aton pamilya, komunidad kag aton pungsod. Mag isa kita sa pagpatin-ag sang aton syudad para sa kauswagan agud aton mapamana ang maayo nga bwas damlag sa aton mga kabataan kag sang masunod pa nga mga henerasyon.
Salamat sa padayon nga SUPORTA kag sa liwat sa gabay nga sa gihapon ululupod kita sa #Gwapongaserbisyo!
