1. QUESTION: Ngaa kinahanglan ang Home Quarantine Pass (HQP)?

Answer: Kinahanglan ang HQP para samtang naga-obserbar kita sang Enhanced Community Quarantine (ECQ), may ara representanti ang aton pamilya nga maka-gwa sa aton panimalay para mag-bakal sang aton mga kinahanglanon.

2. QUESTION: San-o igapatuman ang Enhanced Community Quarantine?

Answer: Santo sa direktiba sang probinsya, magasugod ang Enhanced Community Quarantine sa Marso 30, 2020 (12:01 AM) asta Abril 14, 2020 (11:59 PM).

3. QUESTION: Ano ang matabo samtang ara kita sa Enhanced Community Quarantine?

Answer: Ang tanan gina-ekspektar nga magtinir sa ila panimalay. Wala sang may maka-gwa EXCEPT sa isa ka tawo nga maga-representar (HEAD OF HOUSEHOLD) sang inyo panimalay.

4. QUESTION: Sin-o ang pwede mahatagan sang Home Quarantine Pass?

Answer: Ang kada panimalay pagahatagan sang ISA gid lamang ka HQP. Ang ini nga tawo dapat naga-edad disi-otso (18) pasaka kag dapat physically abled. Ang mga Senior Citizens nga katapo sang panimalay gina-discourage nga mag-representar sang panimalay kay tungod sila may ara curfew nga gina-sunod kag gina-protektahan sila tungod sang ila nga health condition. Ang mga naga-busong, persons with disabilities kag mga immunocompromised persons (mga tawo nga mahina ang resistensya para mag-bato sa mga sakit) gina-discourage man nga mag-representar sang isa ka panimalay.

5. QUESTION: May balaydan kun magkuha HQP?

Answer: WALA. Ang HQP wala gina-baligya. Ini free lang nga iga-hatag sa inyo sang inyo barangay.

6. QUESTION: San-o manghatag HQP sa amon barangay?

Answer: Ang kada barangay may ara sang kaugalingon nila nga schedule nga magpangbalay-balay para ihatag sa inyo ang inyo HQP.

7. QUESTION: Sa diin kami makuha sang HQP?

Answer: Ang taga barangay ang magapangbalay-balay kag magahatag sa inyo sang inyo HQP. Hindi kinahanglanon nga magkadto kamo sa barangay hall. Sa liwat, importante nga magpractice kita sang social kag physical distancing. Hindi mo kinahanglan magwa sa balay mo para magkuha sang HQP. Ang barangay ang makadto sa imo.

8. QUESTION: Kun ako naga-boto sa Brgy. Zone 6 pero sa Brgy. Zone 12 ko subong naga-istar, ano nga barangay ang magahatag HQP sa akon?

Answer: Ang Brgy. 12 ang maga-hatag sang HQP sa imo. Ambot silingon, kun diin ka nga barangay naga-istar subong, amo na nga barangay ang magahatag HQP sa imo.

9. QUESTION: Paano kun hindi pa ako botante sang ciudad sang Talisay pero diri na ko gaistar, mahatagan bala ako sang HQP?

Answer: Huo. Sa liwat, ang barangay kun sa diin ka subong naga-istar ang magahatag sa imo sang imo HQP.

10. QUESTION: Ano ang mga kinahanglan panumdom sang gakapyot sang HQP kun magwa sila sa balay?

Answer: Dal-on gid pirme ang HQP kun magwa. Wala labot sini, dapat magdala man sang valid ID. Importante man nga panumdom nga makagwa ka gid lamang gamit ang imo HQP kun ikaw magbakal bulong, pagkaon, kag iban pa nga mga importante nga kinanglan. Hindi mo magamit ang imo HQP para magwa sa balay kag maglagaw-lagaw.

11. QUESTION: Paano kun ako lang isa sa balay kag ako senior citizen, nagabusong, person with disability, ukon immunocompromised (tawo nga mahina ang resistensya para mag-bato sa mga sakit)?

Answer: Ang barangay gina-manduan nga mag-pangita sang paagi para ma-assist ang mga senior citizens, nagabusong, persons with disabilities, kag mga immunocompromised sa pagbakal kag pagdul-ong sang mga kinanglan nila sa ila panimalay.

12. QUESTION: May mga establishments pa ayhan nga maga-abri samtang yara kita sa ECQ?

Answer: May ara, kaparehos sang:
a. Hospital kag clinic
b. Botika
c. Mga nagabaligya pagkaon kag mga delivery services
d. Pampubliko nga tindahan, groceries, convenience stores, sari-sari stores, fruit stands
e. water refilling stations
f. mga naga-manufacture kag mga planta sang pagkaon kag bulong
g. Banko, pawnshop, remittance centers
h. Gasolinahan
i. Power, energy, water and telecommunications supplies and facilites
j. Laundry shops
k. Callcenters

13. QUESTION: May mga tawo bala nga EXEMPTED sa ECQ, buot silingon maka-gwa sila sa ila balay?

Answer: Huo. Sila amu ang mga empleyado nga naga-ubra sa mga establishments nga na-lista sa Question and Answer No. 12.

14. QUESTION: Paano kun naga-ubra ako sa mga establishments nga nalista sa Q and A No. 12, kinanglan ko bala ang HQP para makagwa ko sa balay kag makakadto sa ubrahan?

Answer: Hindi mo kinahanglan ang HQP. Sa liwat, ang HQP pwede lamang magamit sang representatanti sang pamilya kun ini magabakal pagkaon, bulong, kag iban nga importante nga kinahanglanon. Ang mga empleyado sa mga establishments nga nalista sa Q and A No. 12 naga-kinahanglan gid lamang sang CERTIFICATION halin sa ila mga employer ukon company, company ID, kag government issued ID. Ini nga CERTIFICATION ang maga-serbe nga imo nga “PASS” kag pwede mo i-presentar para makagwa ka sa imo panimalay kag makakadto sa imo nga ubra.

15. QUESTION: Ano ang mga kinahanglan ibutang sang akon employer/company sa CERTIFICATION ukon YELLOW CARD para ini pagabatunon bilang akon nga “pass”?

Answer: Gina-direktahan ang mga employer/kompanya nga ibutang sa CERTIFICATION and pangalan sang empleyado kag ang iya sini nga work schedule kag naga-hambal nga ang empleyado required nga magkadto sa ubra samtang ginapatuman ang ECQ.

16. QUESTION: May kinanglan pa bala ako nga dal-on upod sa akon nga CERTIFICATION ukon YELLOW CARD?

Answer: Huo. Hindi pagkalipatan nga magdala sang imo valid Government Issued ID.

17. QUESTION: Paano kun tatlo ka pamilya ang naga-istar sa isa ka compound? Pila ka HCQ ang ihatag sang barangay?

Answer: Kun naga-istar sa isa ka compound, ang tagsa ka panimalay sa sulod sang compound pagahatagan sang isa ka HQP. Kung buot silingon, kun tatlo ka panimalay ang yara sa isa ka compound, tatlo man ka HQP ang masarang mabaton.

18. QUESTION: Kung may HQP ka, pwede kana makapa gusto gwa sa aton panimalay?

Answer: Ang HQP ginhatag lang para mataagan tsansa ang kada panimalay para mag-bakal sang ila mga kilanlanon. Ang aton barangay maka hatag limitasyon sang inyo pag gwa sa balay.