Maayong aga sa tanan nga pumuluyong Talisaynon,

Una sa tanan, naga pasalamat kita kay Lord nga natigayon na ni ang National Vaccination Days sa tatlo ka adlaw humalin karon Nobyembre 29 tubtob sa Disyembre 1. Salamat gid Ginoo sa maayo nga tiempo.

Next is madamo gid nga salamat sa inyo nga tanan nga mag pa bakuna subong kag sa mga sunod nga inadlaw sa Public Plaza kag sa mga iban pa nga venues pareho sang CHMSC, Barangay Matab-ang, Concepcion, Dos Hermanas, RBL kag Zone 10. Aton ini gin palapit sa pumuluyo ang mga vaccination sites para maka target kita sang 2,000 vaccinees kada site sa una nga adlaw.

Maga baton ang kada isa ka vaccinee sang 2kg nga bugas para man sa pag pa salamat sang Siyudad sa inyo suporta kag kooperasyon.

Sa aton mga frontliners nga gina pangunahan sang aton City Health Office upod sa kay Dr. Joy Guanzon, sa mga backliners nga ma lapit na 2 ka tuig nga padayon ulikid kag tutok obra kontra sa pandemya, ang bug-os nga pumuluyongong Talisaynon ang ga pa lab-ot sang isa ka dako, madamo kag mainit nga pasalamat sa inyo tanan.

Samtang napa nubo na naton ang Covid-19 active cases sa 26 halin sa 240 plus sang September, sa pag banta naman sang bag-o nga Omicron variant nga dapat ma punggan sa pag sulod sa Pilipinas, padayon lang kita gyapon sunod sang mga safety protocols sa pag usar sang insakto sang mask, pirmi mag disinfect kag hugas sang kamot, mag physical distancing.

Sa pag abot sang ulihi nga Ber month, sa liwat ako ga pasalamat sa inyo, sa aton tanan nga nag pa bakuna kag ang mag pakuna pa lang, nga para ni sa aton tanan, para ni na mas mangin masadya ang aton Christmas 2021 kag ang bag-ong tuig 2022.